24/01/2008
LEEs: Romeine 12:1-8
TEKS: vers 2
SING: Ps 139:6,9; Ps 142:1,6; Ps 63:2,3 (Wysie Ps 118)
TYDSGEES
Tydsgees en –modes is nie ons maatstaf vir ons Christelike lewens nie.
Dit is eenvoudig so, dat die “gees” van elke tydperk in die grootste mate deur sondige dinge getipeer en regeer word …. al wil ons dit so graag NIE glo nie.
In die “donker Middeleeue” was dit ook so: Selfs die kerk was deur MENSE se gevoel geregeer. Die onregmatighede en sedeloosheid was geregverdig, sodat mense nie die afwykende leiers van die “kerk” durf teenspreek nie.
Die woord van die mens staan voorop. Die mense het hulle vorige heidense lewens gelewe, behalwe op plekke waar dit ernstig uit die Bybel afgewys was, soos by die Waldense in Noord-Italië.
Die “Vaudois” (Waldense) was daaroor vir eeue lank vervolg deur die bstaande Roomse “kerk”.
Mense wat die Woord van God en Sy wil streng handhaaf was nog NOOIT gewild in hulle tyd, kerke en lande nie.
GEHOORSAAMHEID aan God se wil is nie juis `n gewilde soort lewe nie !
Mense vermy eerder so `n lewe waar alles GETOETS moet word aan God se Woord en wil. Die Humanis haat `n lewe waarin alles geregeer word deur `n ANDER WIL:
As God `n NUWE LEWE EIS, is dit vir die wêreldling nie aanvaarbaar nie. En selfs as hy dink hy dien God, moet dit op sy eie voorwaardes en wyse wees.
God eis dus:
1.VERANDER JULLE LEWENS, en
2.LEWE SOOS HY WIL
1.VERANDER JULLE LEWENS
Hierdie eis was deur ALLE tye vir die sondige mense `n probleem. Selfs vandag nog.
Satan, die Verleier, wil deur versoekings en gedagte-veranderings almal op `n ander pad lei.
Die sonde-wêreld verlei met sy glans, die vrysinnigheid, onsedelikheid.
Die woorde wat Paulus hier gebruik, vind ons ook in sy brief aan die Filipense:
=2=
“SKEMA” – die Griekse woord, waarvan ons eie afgelei is, wys op KONFORMISME met `n aarde vol sonde….
…. Ons moet een word, konformeer met die SKEMA, die leefstyl en gedagtes van ons tyd. Hier word eerstens die sondige, heidense lewensstyl van Paulus se tyd bedoel.
Mens se leef-wereld oefen druk op jou uit:
Word soos ons
Doen soos ons.
Dink soos ons.
Anders is JY “uit pas”.
Jy word uitgeskuif.
As jy nie getrou vasstaan nie, kom die verleiding stadigaan – ONGEMERK. Ons word gewoond gemaak aan hierdie gees van verandering:-
Wat kwaad is word goed.
Wat goed is, word kwaad.
Lees maar Jes 5:20. Hoe oud is Satan se aanslag nie al nie ! Sleg is goed, goed is sleg.
Wat jou ouers jou wou leer, is uitgedien. Dit pas nie meer in nie. As jy wil vriende maak, wil vorder in jou werk – WORD SOOS ONS !
Word `n lid van `n klub waar geen Christene is nie. Laat jou kinders maar in `n onchristelike skool bly, word maar `n Vrymesselaar.
Op alle gebiede word die TYDSGEES op jou afgedruk.
Naaktheid. Dobbel. Afwykende wetenskap. Geweld. Rewolusie.
In Paulus se tyd het hulle dalk `n “beter verskoning” as ons gehad – die mense het rou vanuit die heidendom gekom. Hulle heidense agtergrond was ver van uitgewis.
Die heidense SKEMA het nog in hulle harte gelewe !
Wat God hier aan ons laat verkondig, is dat ons moet BUIG ONDER DIE VERNUWENDE KRAG VAN GOD DIE HEILIGE GEES.
Volle oorgawe aan God is nodig vir `n verloste lewe.
Die beeld van God moet in ons sigbaar wees.
OPGESOM:
Vers 1 vermaan al dat ons OFFERS aan God moet wees.
Daarom mag ons onsself nie teen God se wil verhef nie.
Ons moet WERKLIK MEELEEF in sy gemeente.
Dra mekaar.
Luister na vermaning.
VERMY DIE GOD-LOSE TYDSMODES.
Jou doen en denke moet anders wees as die van die mensdom wat van God afvallig is.
2.HERVORMING, VERANDERING MAG SLEGS NA GOD SE WIL WEES
Ons moet streef na `n volmaakte lewe.
=3=
Beproef, toets alles wat jy doen
wat jy bywoon
wat jy glo en dink oor dinge
MEET DIT AAN GOD SE WOORD, TER WILLE VAN JOU SALIGHEID !
Hier kom ons by `n tweede woord wat ook in Filipense 2 gevind word: “metamorfose”.
Dit is iets wat saamgaan met `n ware bekering.
By reeds-bekeerdes moet dit `n daaglikse proses wees.
Watter BEELD vertoon ons ?
Die beeld van God, of die beeld van die wêreld ?
Is ons onderskeibaar ?
Paulus stel dat metamorfose beteken dat ons GEMOED verander moet word: JOU HELE WESE EN GEES !
Dit het nie net te doen met jou denke nie, maar alles wat jy doen.
Metamorfose moet wees soos die pragtige skoenlapper wat uit die onaansienlike wurm voortkom.
HOE IS DIT TE SIENE ?
Deur die werke, die vrugte van God die Heilige Gees.
Onderskei wat reg is (Filipense 1),
wees gevul met geregtigheid,
verstaan die wil van God, bepeins dit, ondersoek dit,
laat jou optrede daarvolgens wees.
Die wyse waarop God hierdie bevele in Rom 12 gee, is progressief, groeiend:
Hoe langer, hoe meer moet ons VOLHARD in die werke van die Gees.
Verse 1 en 2 is `n vermaning om nie op `n HALFHARTIGE WYSE God se wil te soek nie.
Begin elke dag met nuwe bereiheid.
Onderskei in elke siruasie reg en verkeerd.
Christus, wat in die GESTALTE van God was (WERKLIK God), het mens geword ter wille van ons verlossing.
Deur die wonder van God se liefde het Hy die Wet vir ons vervul, dat ons Hom daarin kan navolg.
Hy het die losprys vir ons betaal !
Van Rom 12 tot aan die einde van die boek beklemtoon Paulus hoe ons God vir hierdie verlossing dankbaar moet wees:
Hfst 13:14 som dit op, dat ons ons moet beklee met die Here Jesus Christus en geen voorsorg vir die vlees moet maak, om sy begeerlikhede te bevredig nie.
AMEN
- - - 0 - - -
Thursday, January 24, 2008
Tuesday, January 8, 2008
STRENG VERKONDIGING VAN DIE WET
2008/1
SONDAG 44 – DIE WET SKERP VERKONDIG
LEES: Filippense 3
SING: Ps 139:1,3; Ps 66:4; Ps 32:4
Miskien slaag u `n sug van verligting wanneer die MAANDE verby is wat dit telkens neem om die Tien Gebooie te behandel.
Dan spring die opstellers van die Kategismus in hierdie Son-afd enige vrae voor, deur by die afsluiting WEER te wys op die LEWENSHOUDING wat God met die verkondiging van Sy Gebooie by ons wil opskerp.
Ons word gewys op hierdie
1) HOUDING VAN DIE GELOWIGE TEENOOR DIE GEBOOIE, en
2) DIE NUT VAN DIE VOORTDURENDE HERHALING VAN DIE WET
I.ONS HOUDING
Dit word aangeraak met die vraag: KAN ons hierdie gebooie hou ?
Kan ons so vorder in ons geloofslewe, dat ons die Wet in alle opsigte kan nakom ?
Dan volg die antwoord uit die Skrif: NEE, nie so lank ons in hierdie lewe is nie !
Die perfeksionistiese dwalings reken ons kan dit wel hou … ons moet maar net hulle spesifieke dwaling aanvaar.
Maar God WEERSPREEK dit in die Woord. Eers in die hernude, HERskape wêreld – na Christus se Wederkoms – sal ons in staat wees om die Wet volkome te hou.
Die gevolge van hierdie “perfeksionisme” is dat mense nie meer verlang na die volmaaktheid WAT NOG MOET KOM NIE. Sulke mense vermy gewoonlik die gewone gang van die lewe en trek totaal in hulle eie kring terug.
Hulle trek hulself terug van enige verantwoordelikheid, selfs ten opsigte van pligte as burgers van `n land. Hulle weier eedaflegging, diensplig, ens., soos bv die sogenaamde “jehowa-getuies”. Vir ons doel nou is dit nie nodig om in besonderhede hierop in te gaan nie, maar net om te stel dat ons IN die wêreld is, hoewel nie VAN die wêreld nie.
Christus se HERskeppende werk geld vir die hele skepping, en ook vir die hele lewe. Hy ruk mens nie uit die werklikheid van die lewe weg nie.
Ons kan ons nie agter mure wegsteek, en dink ons hoef nie aan die STRYD deel te neem tussen die Ryk van Christus en die antichristelike ryk nie. Met bekering word `n mens net na die ANDER KANT van die gevegs-linie oorgeplaas !
Valse lewens-beskouings doen af aan die genadewerk van Christus, wat ons nou oproep tot `n nuwe lewe … maar nog op hierdie aarde.
-2-
GOD MAAK ONS NIE NOU AL VOLMAAK NIE.
Tot Sy verheerliking gaan ons nog in onvolmaaktheid aan: maar juis SO strek dit tot Sy eer, dat ons nogtans volhard. Nogtans MEER as oorwinnaars bly !
Die wonder van Christus se verlossingswerk is dat hy ons in `n nuwe geestelike lewe inlei deur Sy Gees, al is ons nog onvolmaak. Ons ontvang in die geloof die SAAD VAN DIE LEWE.
Dit is egter `n saad wat in hierdie lewe nog nie tot volle ontkieming kom nie. In Rom 7 wek dit `n weeklag by Paulus: “… ek, ellendige mens ! Wie sal my verlos uit die liggaam van die dood …?”
Hy stel verder: As ek die goeie wil doen, lê die kwade my by; die WIL is wel by my, maar die VOLBRINGING vind ek nie.
Die Apostel beklemtoon dat daar NIE EEN is wat nou volmaak is nie.
Nie Petrus, Johannes, Paulus nie …. Nie Moses, Dawid, Elia, Jesaja of enigiemand anders nie.
Moses was `n beeld van ons Middelaar, Christus, maar hy kon weens `n “klein” sonde selfs nie die Beloofde Land ingaan nie.
Die regverdige Job bely in sak en as sy sonde-swakheid.
Hoe veel kere eggo Dawid eie sondeskuld nie in die Psalms nie, veral in Ps 51 (na sy sonde met Bathseba) !
Johannes verklaar dat die mens wat sê hy is sonder sonde, God tot leunaar maak.
Vele ander stel dit ook in die Skrif terwyl hulle, geinspireer deur God die Heilige Gees, God se Woord neerpen.
Net Een Mens was sonder sonde: Christus, die Seun van God, geopenbaar in die vlees.
In Adam was almal verlore.
In die tweede Adam – Christus – is daar verlossing.
In Sy Verlosser vind Paulus die nuwe, ware LEWE. Filp 3: Nie dat ek dit al verkry het of al volmaak is nie, maar ek JAAG daarna of ek dit ook kan gryp, omdat ek ook deur Christus Jesus gegryp is.
In hierdie skynbare “klein beginsel van die gehoorsaamheid” is die onderskeid tussen werklik gelowige-wees en skyn-gelowige.
Die ongelowige het NIKS aan die geestelike dinge wat God juis behaag nie. Inteendeel HAAT hy God en sy naaste. Hy het die sonde lief waarin hy leef.
Alleen kinders van God het die LUS EN LIEFDE om hierdie Gebooie te onderhou.
Die lewe is: “Spreek, HERE, u dienskneg/diensmaagd luister”.
“Dit is my LUS om U wil te doen !”
-3-
II.DIE NUT VAN DIE AANHOUDENDE VERKONDIGING VAN DIE WET
Die herhaling van die Wet elke Sondag herinner ons daaraan dat ons dit nie volmaak kan hou nie. Ons moet dit VOORTDUREND voor oë hou.
Die gevolge van die Sondeval moet onthou word.
Ons moet uit hierdie kennis ons TOEVLUG tot Christus neem, in Wie ons ons enigste troos vind.
Daar is mense wat ons die “anti-nominiane” noem. Die woord kom van “anti” (teen) en “nomos” (Wet). Hulle wil niks weet van die Wet-verkondiging aan die gelowiges nie. Die eis van dankbaarheidswerke word deur hulle met minagting bejeen.
Hulle verwerp die leer dat ons juis daardeur moet groei, moet VORDER in die genade.
God werk anders: Hy wil ons sonde aard gedurig inskerp om ons tot nederigheid en ootmoed te bring.
Ons moet op ons knieë wes.
Ons moet in Christus ons vertroue stel.
Op hierdie wyse is die Wet vir ons `n VRIEND …. `n tugmeester tot Christus.
Selfkennis kom uit ware besef van skuld en sonde.
God laat ons die diep afgrond sien waarin ons van nature deur die sonde weggesink het.
Dan alleen sal mens weet dat Christus se verlossingswerk jou enigste redding is. Hy het gekom om vir ons tot wysheid, regverdigheid, heiligmaking en verlossing te wees.
Deur kennis van die Wet word ons self minder, en Christus meer. Die aanhoudende verkondiging van die Wet bind ons al meer aan ons Verlosser.
Nou kan ons kragtiger WERK in die geloof,
PRAAT in die geloof,
LIEFHê IN DIE GELOOF !
God se Wet moet ons verlustiging wees, soos Ps 119 dit kragtig uitsing.
Leer hieruit LIEFDE TOT GOD EN
LIEFDE TOT ONS NAASTE.
Ps 139 (berymd) se laaste vers sal dan `n aanhoudende gebed in ons lewens wees, dat God tog die skadelike paaie in ons lewens vir ons sal oopdek.
Dan kan ons geloofslewe van kag tot krag gaan en
Van deug tot deug.
Ons sal groei tot volwassenheid in Christus.
-4-
Moet dus nie die Wet en sy aanhoudende verkondiging verag nie.
Laat dit vir jou `n spieël bly, wat jou die kwaad laat ontdek en ontvlug.
Jaag die heiligmaking na.
Soek die vrugte van die Gees.
SO sal ons die kommer bestry,
trou kan bly,
volhard in die stryd
leef in die verlange na die volmaaktheid.
AMEN.
- - - 0 - - -
SONDAG 44 – DIE WET SKERP VERKONDIG
LEES: Filippense 3
SING: Ps 139:1,3; Ps 66:4; Ps 32:4
Miskien slaag u `n sug van verligting wanneer die MAANDE verby is wat dit telkens neem om die Tien Gebooie te behandel.
Dan spring die opstellers van die Kategismus in hierdie Son-afd enige vrae voor, deur by die afsluiting WEER te wys op die LEWENSHOUDING wat God met die verkondiging van Sy Gebooie by ons wil opskerp.
Ons word gewys op hierdie
1) HOUDING VAN DIE GELOWIGE TEENOOR DIE GEBOOIE, en
2) DIE NUT VAN DIE VOORTDURENDE HERHALING VAN DIE WET
I.ONS HOUDING
Dit word aangeraak met die vraag: KAN ons hierdie gebooie hou ?
Kan ons so vorder in ons geloofslewe, dat ons die Wet in alle opsigte kan nakom ?
Dan volg die antwoord uit die Skrif: NEE, nie so lank ons in hierdie lewe is nie !
Die perfeksionistiese dwalings reken ons kan dit wel hou … ons moet maar net hulle spesifieke dwaling aanvaar.
Maar God WEERSPREEK dit in die Woord. Eers in die hernude, HERskape wêreld – na Christus se Wederkoms – sal ons in staat wees om die Wet volkome te hou.
Die gevolge van hierdie “perfeksionisme” is dat mense nie meer verlang na die volmaaktheid WAT NOG MOET KOM NIE. Sulke mense vermy gewoonlik die gewone gang van die lewe en trek totaal in hulle eie kring terug.
Hulle trek hulself terug van enige verantwoordelikheid, selfs ten opsigte van pligte as burgers van `n land. Hulle weier eedaflegging, diensplig, ens., soos bv die sogenaamde “jehowa-getuies”. Vir ons doel nou is dit nie nodig om in besonderhede hierop in te gaan nie, maar net om te stel dat ons IN die wêreld is, hoewel nie VAN die wêreld nie.
Christus se HERskeppende werk geld vir die hele skepping, en ook vir die hele lewe. Hy ruk mens nie uit die werklikheid van die lewe weg nie.
Ons kan ons nie agter mure wegsteek, en dink ons hoef nie aan die STRYD deel te neem tussen die Ryk van Christus en die antichristelike ryk nie. Met bekering word `n mens net na die ANDER KANT van die gevegs-linie oorgeplaas !
Valse lewens-beskouings doen af aan die genadewerk van Christus, wat ons nou oproep tot `n nuwe lewe … maar nog op hierdie aarde.
-2-
GOD MAAK ONS NIE NOU AL VOLMAAK NIE.
Tot Sy verheerliking gaan ons nog in onvolmaaktheid aan: maar juis SO strek dit tot Sy eer, dat ons nogtans volhard. Nogtans MEER as oorwinnaars bly !
Die wonder van Christus se verlossingswerk is dat hy ons in `n nuwe geestelike lewe inlei deur Sy Gees, al is ons nog onvolmaak. Ons ontvang in die geloof die SAAD VAN DIE LEWE.
Dit is egter `n saad wat in hierdie lewe nog nie tot volle ontkieming kom nie. In Rom 7 wek dit `n weeklag by Paulus: “… ek, ellendige mens ! Wie sal my verlos uit die liggaam van die dood …?”
Hy stel verder: As ek die goeie wil doen, lê die kwade my by; die WIL is wel by my, maar die VOLBRINGING vind ek nie.
Die Apostel beklemtoon dat daar NIE EEN is wat nou volmaak is nie.
Nie Petrus, Johannes, Paulus nie …. Nie Moses, Dawid, Elia, Jesaja of enigiemand anders nie.
Moses was `n beeld van ons Middelaar, Christus, maar hy kon weens `n “klein” sonde selfs nie die Beloofde Land ingaan nie.
Die regverdige Job bely in sak en as sy sonde-swakheid.
Hoe veel kere eggo Dawid eie sondeskuld nie in die Psalms nie, veral in Ps 51 (na sy sonde met Bathseba) !
Johannes verklaar dat die mens wat sê hy is sonder sonde, God tot leunaar maak.
Vele ander stel dit ook in die Skrif terwyl hulle, geinspireer deur God die Heilige Gees, God se Woord neerpen.
Net Een Mens was sonder sonde: Christus, die Seun van God, geopenbaar in die vlees.
In Adam was almal verlore.
In die tweede Adam – Christus – is daar verlossing.
In Sy Verlosser vind Paulus die nuwe, ware LEWE. Filp 3: Nie dat ek dit al verkry het of al volmaak is nie, maar ek JAAG daarna of ek dit ook kan gryp, omdat ek ook deur Christus Jesus gegryp is.
In hierdie skynbare “klein beginsel van die gehoorsaamheid” is die onderskeid tussen werklik gelowige-wees en skyn-gelowige.
Die ongelowige het NIKS aan die geestelike dinge wat God juis behaag nie. Inteendeel HAAT hy God en sy naaste. Hy het die sonde lief waarin hy leef.
Alleen kinders van God het die LUS EN LIEFDE om hierdie Gebooie te onderhou.
Die lewe is: “Spreek, HERE, u dienskneg/diensmaagd luister”.
“Dit is my LUS om U wil te doen !”
-3-
II.DIE NUT VAN DIE AANHOUDENDE VERKONDIGING VAN DIE WET
Die herhaling van die Wet elke Sondag herinner ons daaraan dat ons dit nie volmaak kan hou nie. Ons moet dit VOORTDUREND voor oë hou.
Die gevolge van die Sondeval moet onthou word.
Ons moet uit hierdie kennis ons TOEVLUG tot Christus neem, in Wie ons ons enigste troos vind.
Daar is mense wat ons die “anti-nominiane” noem. Die woord kom van “anti” (teen) en “nomos” (Wet). Hulle wil niks weet van die Wet-verkondiging aan die gelowiges nie. Die eis van dankbaarheidswerke word deur hulle met minagting bejeen.
Hulle verwerp die leer dat ons juis daardeur moet groei, moet VORDER in die genade.
God werk anders: Hy wil ons sonde aard gedurig inskerp om ons tot nederigheid en ootmoed te bring.
Ons moet op ons knieë wes.
Ons moet in Christus ons vertroue stel.
Op hierdie wyse is die Wet vir ons `n VRIEND …. `n tugmeester tot Christus.
Selfkennis kom uit ware besef van skuld en sonde.
God laat ons die diep afgrond sien waarin ons van nature deur die sonde weggesink het.
Dan alleen sal mens weet dat Christus se verlossingswerk jou enigste redding is. Hy het gekom om vir ons tot wysheid, regverdigheid, heiligmaking en verlossing te wees.
Deur kennis van die Wet word ons self minder, en Christus meer. Die aanhoudende verkondiging van die Wet bind ons al meer aan ons Verlosser.
Nou kan ons kragtiger WERK in die geloof,
PRAAT in die geloof,
LIEFHê IN DIE GELOOF !
God se Wet moet ons verlustiging wees, soos Ps 119 dit kragtig uitsing.
Leer hieruit LIEFDE TOT GOD EN
LIEFDE TOT ONS NAASTE.
Ps 139 (berymd) se laaste vers sal dan `n aanhoudende gebed in ons lewens wees, dat God tog die skadelike paaie in ons lewens vir ons sal oopdek.
Dan kan ons geloofslewe van kag tot krag gaan en
Van deug tot deug.
Ons sal groei tot volwassenheid in Christus.
-4-
Moet dus nie die Wet en sy aanhoudende verkondiging verag nie.
Laat dit vir jou `n spieël bly, wat jou die kwaad laat ontdek en ontvlug.
Jaag die heiligmaking na.
Soek die vrugte van die Gees.
SO sal ons die kommer bestry,
trou kan bly,
volhard in die stryd
leef in die verlange na die volmaaktheid.
AMEN.
- - - 0 - - -
Subscribe to:
Posts (Atom)